Ни го најавуваат овогодинешниот настан “Не е сѐ во брзината” Бавна Трка, која оваа година ќе се оддржи по 6-ти пат.
Главната точка на оваа манифестација е бавната трка од едуктивен карактер којa има за цел да ја подигне свеста на сите учесници во сообраќајот, особено мотоциклистите, укажувајќи на потенцијалната опасност од управување со голема брзина, а истата се организира од Мото Клуб Вепар веќе 6 години!
Трката ќе се одвива во 4 категории и тоа:
– Мотоцикли до 50 цм3
– Мотоцикли од 51 до 500 цм3
– Мотоцикли од 501 цм3 до 1000 цм3
– Мотоцикли поголеми од 1000 цм3
Трката ќе се одвива на начин на кој истовремено ќе се натпреваруваат по двајца учесници по систем на елиминација:
– Победникот продолжува со натпреварување;
– Победник е оној кој поспоро/побавно ќе стигне до целта.
Правила:
– Учесникот не смее да испадне од одбележаната траекторија;
– Учесникот не смее да допре со нога на земја (со самото допирање се елиминира од трката);
– Учесникот кој последен ќе ја помине целта е победник.
Сите заинтересирани за учество во натпреварувањето – Бавна Трка, можат да се пријават на штандот пред патеката во просториите на клубот, помеѓу 10.00 и 11.30 часот на денот на настанот.
Агенда:
10:00-11:30 часот– ПРИЈАВУВАЊЕ
12:00 часот– Официјално започнување на трката
14:00 часот– Почеток на забавна програма со музика, скара, пивце и дружба.
19:00 часот– Затварање на настанот.
Учеството е бесплатно.
Се гледаме на 29 Октомври кај
Мото Клуб Вепар 
