Културно – Комуникациски Проект “ГЛАСНО”
ќе се реализира во студиото на BIKERS GARAGE radio broadcast network, каде ќе бидат реализирани повеќе емисии, каде гости ќе бидат културни уметници.
Поради недоволно посветен медиумски простор во Македонија, имено за културните уметници, Проектот ГЛАСНО има за цел да сними и реализира 16 емисии посветени на културата и различни културни достигнувања давајќи им и обезбедувајќи им простор на самите културни работници да бидат гости во емисиите, каде основна тема ќе биде КУЛТУРАТА и културното самоосознавање. Културното самоосознавање е од национален интерес и има огромно значење за целото општество, а особено кај најмладите, за да преку културата ја негуваме и заштитеме традицијата.
Во изминативе години во Република Македонија се помалку се одвојува простор во медиумите за Култура а со тоа и за културните работници и нивните достигнувања. Значајно место во медиумите, треба да зазема промоцијата на културата во Република Македонија. Постојат многу причини и претпоставки за ваквата тенденција, па тоа е една главните причини за реализирање на Културно Комуникацискиот проект ГЛАСНО.
Националното културно самоосознавање на децата и младите не е можно само преку користење на традиционални начини на учење, или преку користење на различни канали за информирање, туку во овој процес мора да се користат и други неформални пристапи преку кои ќе се осознава, гради, зачувува и развива културата а со тоа да се негува и традицијата.
Овозможувањето на промовирање на културните работници преку емисии кои ќе бидат емитувани преку повеќе канали на BIKERS GARAGE radio broadcast network, ќе овозможи не само промоција пред широката јавност, туку и интерактивна комуникација со публиката но и понатамошен развој на идејата, бидејќи оваа нова содржина ќе биде вметната во програмата на BIKERS GARAGE radio broadcast network.
Гости во нашето студио во ГЛАСНО ни беа:
- Никола (Ashborn – musician band & free biker)
- Дамјан (Live Wire – musician band)
- Игор Џими (Tattoo Artist and member of Chopper Club Macedonia)
- Мартин (CALE Rock Fest)
- Недан (артист, вајар, уметник кој меѓу другото произведува рачно изработени кациги)
- RED 18 band
- Ведран (Ruststained Heavy Metal band)
- Марко (Tattoo Artist – Indigo tattoo)
Пробавме да ги следиме активностите и на Културно Уметничките друштва. Треба да истакнеме дека со јавен час со почеток во 19:00 часот во концертната сала во домот на културата во Драчево на 24 Декември, КУД Китка Драчево ја затворија и повеќе од успешно оваа година. Важно: Учество земаа сите групи од ансамблот.
КУД Китка Драчево оваа година имаа настапи на повеќе фестивали и други смотри. Настапија на: Регионални Фолкорни Смотри на 12 Ноември во чест на ослободувањето на град Скопје, одржаа јубилеен концерт по повод 55 години постоење, на 21.09.2023 имаа настап во црквата Рождество на пресвета Богородица на средно Водно, имаа настап на фестивалот во Неделино во Р.Бугарија, каде го презентираа македонскиот фолклор, настапија на Детскиот фолклорен фестивал во Драч -Албанија, имаа успешно завршена фолклорна работилница / Фолклорен камп -Охрид “Ѓердан oд бисери”, настапија на Меѓународната фолклорна смотра во Ново Чиче, Р.Хрватска, настапија на Културно лето “Три Круши” и на уште многу други настани.
Им посакуваме многу успех и понатаму и гордо да го претставуваат македонскиот фолклор!
Направивме напори да дојдеме до податоците на сите културни работници, артисти и уметници, кои работат и живеат во Општина Кисела Вода.
Во продолжение успеавме да собереме податоци за само еден дел од нив:
- КУД Китка Драчево
- Здружение на Џез уметници и слободни уметници
- Здружение на граѓани за креирање политики за млади,,Нови зраци”
- Здружение за активно вклучување и соодветен третман на лицата со попреченост ,,Икуалити”
- Здружение за едукативни и хуманитарни активности, ,,Визија плус”
- Здружение БС Балерина
- Самостоен Уметник Петра Арт ТП
- Самостоен Уметник Рафаел Ристовски
- Самостоен Уметник Симона Манчева
- Самостоен Уметник Јане Дунимаглоски
- Естраден Уметник Музичар Ефто Пупиновски
- Естраден Уметник Музичар Сара Мејс
- Естраден Уметник Музичар Бајса Арифовска
Проектот е подржан од Општина Кисела Вода.
